राजु थापा, फागुन १९, कालिका,

प्रधान मन्त्री कोईरालाले एउटै मञ्चको भेटपछी प्रतिपक्षसंग वार्ताको वातावरण बन्ने विस्वास व्यक्त गर्नुभएको छ । कोईरालाले सबै जातजाती र धर्म संस्कृती र हरेक समुदायको अधिकार सुरक्षीत हुने संबिधान बनाउन सहमती र सहकार्य नै अन्तिम बिन्दु भएको भन्दै काठमाण्डौ फर्किनासाथ विपक्षी संग वार्ता गर्न सकिने संकेत गर्नुभएको हो । 

चितवनको शिवनगर स्थित नारायणी विधामन्दिर उच्च माविको स्वर्ण महोत्सवको उद्धाटन गर्न आउनु भएका प्रधानमन्त्रीले बिद्यालयका पुर्व बिद्यार्थीको हैसीयतले एमाओबादी अध्यक्ष प्रचण्डलाई सम्मान र्गनुभएको  थियो । स्वर्ण जयन्तीको अवसर पारेर बिद्यालयले प्रचण्डलाई सम्मान गरेको हो । यस्तै प्रधानमन्त्री र प्रचण्डले संयुक्त रुपमा स्वर्ण स्तम्भ, विधालयको नयां भवन र स्वर्ण द्धारको समुद्धाटन गर्नुभएको थियो । पुर्व प्रधानमन्त्री प्रचण्डले आमा, बावु र ठुलीआमामको स्मृतिमा निमार्ण गर्नुभएको  स्वर्ण मन्चको समेत हस्तान्तरण गरिएको थियो ।

यसैबिच  चितवनको शिवनगरमा रहेको आफ्नो पुर्व बिद्यालय नारायणी बिद्या मन्दीर उच्च माध्यमीक बिद्यालयको स्वर्ण जयन्ती समारोहमा सहभागी हुनुृभएका प्रचण्डले देशको जटील अवस्थाको अन्त्यका लागी सहमतीको संबिधान बनाउनुको विकल्प नरहेको बताउनुभएको छ । राजनीतीक जटीलता समाधान गर्न प्रमुख दलबिचको सहकार्य आवश्यक रहेकोमा उहाँको जोड थियो । कार्यक्रममा प्रचण्डले एउटै मञ्चमा सरकार प्रमुख र प्रतीपक्षीको भेट संयोग मात्र नभई वार्ता र सहमतीका लागी शुभ संकेत रहेको बताउनुभएको छ ।

 यसअधि अनेरास्वियु क्रान्तीकारी मुल ईकाई समिति रामपुर क्याम्पसले गरेको नव आगन्तुक विधार्थीको स्वागत तथा सास्कृतिक कार्यक्रमलाई सम्बोधन गर्दै अध्यक्ष प्रचण्डले ३ दशक पहिलेको आफु पढ्दाको समय याद आएको बताउदै सबैजना मिलि संबिधान सभालाई समाप्त पार्न नदिन संघर्षरत रहन आग्रह गर्नु भएको थियो ।