जितेन्द्र भण्डारी

पाँचथर,फागुन १८,

उपप्रधान तथा संघिय स्थानिय विकाश मन्त्री प्रकाशमान सिंहले सहमतिवाटै लिखत संविधान दिने वताउनुभएको छ । जिल्ला विकाश समिती पाँचथरको २३ औ जिल्ला परिषद उद्घाटका क्रममा आज यहाँ आउनुभएका सिंहले विहान पाटी कार्यकर्तासितको भेटघाट कार्यक्रममा वोल्दै अव सडकवाट सविधान नवन्ने भएकोले लिखत संविधान निर्माणका लागि ३० दलिय मोर्चालाई आग्रह गर्नुभयो ।

उहाँले भन्नुभयो,“नेपाली जनताले दिएको मतलाई अवमूल्यन गर्न हुँदैन्, त्यसैले सडकवाट संविधान नवन्ने भएकोले वार्ताको माध्यमवाटै सहमति कायम गरी संविधान लेख्न एर्कीकृत माओवादी अध्यक्ष पुष्पकमल दाहाल प्रचण्ड तथा उहाँले नेतृत्व गरेको मोर्चालाई आग्रह गर्दछु ।“ मोर्चालाई वार्तामा ल्याउन प्रधामन्त्री शुशिल कोइरालाले प्रयास गरिरहेको र अहिले पनि प्रयासलाई जारी राखेको उल्लेख गर्नुभयो ।

 

पहिलो संविधान सभावाट संविधान निर्माण हुन नसकेकोले अव दोस्रो संविधानसभाको चुनावमा त्यो गल्ती नगर्ने प्रतिवद्दता समेत मन्त्री सिंहले दोहयाउनुभयो ।

 

यस्तै मोर्चाले संविधानसभालाई काग्रेस,एमालले अपरहण गरेको भन्ने भनाईप्रति खण्डन गर्दे सिंहले संविधान कब्जा गर्ने उदेश्य नभई जनतालाई लिखत संविधान दिने उदेश्यले आफूहरु अघि वढेको उहाँको भनाई छ । उहाँले थप्नुभयो,त्यहिँ संघियता एकीकृत माओवादी लगायत मोर्चाले भन्दा अग्रमन हुने तथा काग्रेसले भन्दा यथास्थितिवादी र प्रतिगमनकारी हुने ?”

 

कार्यक्रममा सभासद तथा केन्द्रिय सदस्य भिष्मराज आङदेम्वेले मोर्चाले गरेको आन्दोलनको कुनै तुक नरहेको भन्दै जतिसक्दो चाँडो मोर्चालाई वार्तामा आउन आग्रह गर्नुभयो ।