उद्धव घिमिरे

विराटनगर, फागुन १४ 

नेपाली कांग्रेसका बरिष्ट नेता एंव पुर्व प्रधानमन्त्री शेरबहादुर देउवाले  सहमती नभए प्रक्रियामा गएर भएपनी संविधान जारी हुने बताउनु भएको छ ।

 

विराटनगर विमानस्थलमा आज संचारकर्मीहरुसँग कुरा गर्दै नेता देउवाले अब धेरै दिन मुलुकलाई संविधान विहिन अवस्थामा राख्न नसकिने भएकाले  सकेसम्म सहमतीको प्रयास गरिने यदि सहमती हुन नसके प्रक्रियामा गएर भएपनी नयाँ संविधान ल्याएरै छाड्ने दावी गर्नुभएको छ । उहाँले सहमतीका लागी प्रधानमन्त्री एंव नेपाली कांग्रेसका सभापती सुशिल कोइराला लागिरहनु भएकोले सकेसम्म सहमतीवाटै संविधान जारी हुने उल्लेख गर्नुभयो ।

 

नेता देउवाले शुशिल जी लगायत कांग्रेस र एमालेका नेताहरुले एमाओवादी तथा विपक्षी मोर्चाका नेताहरु संग सहमती कायम गर्न बार्ता गरिरहनु भएकोले अहिले नै प्रकृयामा जान हतारिनु नहुने भन्दै सहमतीको नाममा धेरै दिन कुर्नपनि नसकिने उल्लेख गर्नुभयो । 

 

उहाँले एकिकृत माओवादीले फागुन १६ गते  काठमाण्डौमा आन्दोलन नभइ आमसभा गर्न लागेको भनेकोले यसवाट सहमतीको वातवरण विग्रिन्छ भनेर भन्न नमिल्ने बताउनुभयो । 

नेता देउवाले एकिकृत माओवादीले लाठि जुलुस प्रर्दशन गरेको प्रती टिपणि गर्दै हिजो वन्दुक बोक्दा नडराएका हामि लाठि वोक्दा नतर्सने उल्लेख गर्नुभयो ।

 

एक प्रश्नमा नेता देउवाले संविधानका  विवादित विषयमा   जनमत संग्रहवाट टुंगो लगाउँदा उचित हुने भएपनी जे विषयमा पनी जनमत संग्रह माग्ने डरले त्यसमा जान नसकिएको उल्लेख गनुभयो । नेता देउवा  संविधान सरकारले बनाउने नभइ पार्टीहरुले  बनाउने भएकाले सरकार परिवर्तनको आवश्यकता नरहेको प्रष्ट पार्नुभयो । उहाँले गएको माघ–८ गते संविधान जारी गर्ने प्रतिबद्धता सरकारले नभई दलहरुले गरेकाले संविधान आउन नसकेको दोष सरकारलाई दिन नमिल्ने बताउनुभयो । 

 

उहाँले नेपाली कांग्रेसको केन्द्रिय समितिको बैठकमा सरकार असफल भएको र सरकारको राजिनामा मागेको भन्ने कुरा संचार माध्यमले फैलाएको हल्ला मात्र भएको भन्दै कसैले सरकारको राजिनामा नमागेको प्रष्ट पार्नुभयो । 

 

उहाँले आगामी महाधिवेशनमा सभापतीमा उठ्ने नउठ्ने विषयमा समय आएपछिमात्र भन्ने बताउनुभयो