उद्धव घिमिरे 

विराटनगर, फागुन १३

नेपाली कँंग्रेसकी नेतृ सुजाता कोइरालाले एकिकृत माओवादी सहितको ३० दलिय मोर्चाले संविधान जारी गर्न नदिएर सरकारलाई असफल बनाउने षड्यन्त्र गरिरहेको बताउनु भएको छ । 

 

विराटनगर विमानास्थलमा बुधवार संचारकर्मीहरुस“ग कुरा गर्दै नेतृ कोइरालाले एमाओवादी सहितको ३० दलीय मोर्चा संविधान जारी गर्न नदिएर सरकारलाई असफल पार्ने षडयन्त्रमा लागेको आरोप लगाउँदै यसलाई वर्तमान सरकारले चिरेर भएपनि संविधान जारी गर्ने दाबि गर्नुभएको छ । 

 

नेतृ कोइरालाले जनताले संविधान चाहेकाले र जनमतको पनि कदर गर्दै कांग्रेस एमालेले असफल नभई संयुक्त प्रयासमा प्रकृयालाई  अगाडी बढाएर भएपनि संविधान जारी गरेरै छाड्ने जिकिर गर्नुभयो  । 

 

छिटोभन्दा छिटो सहमति जुटाएर संविधान जारी गर्ने प्रयत्न भइरहेको चर्चा गर्दै नेतृ कोइरालाले यसकालागि प्रधानमन्त्री सुशील कोइराला र एमाले अध्यक्ष केपी शर्मा ओली लगायतका नेताहरुको प्रयास गरिरहेको उल्लेख गर्नुभयो ।

 

कांग्रेसको केन्द्रीय समेत रहनुभएकी नेतृ कोइरालाले पार्टीको आगामी महाधिवेशनमा पदाधिकारीमा उम्मेद्वारी दिने घोषणा समेत गर्नुभएको छ ।

 

उपसभापतिदेखि कोषाध्यक्षसम्मको कुनै एक पदमा उम्मेद्वारी दिने उहाँले घोषणा गर्नुभयो । नेतृ कोइरालाले आगामी महाधिवेशनमा सुशील कोइरालाले समेत पुनः सभापतिकालागि उम्मेद्वारी दिने विश्वास व्यक्त गर्नुभयो ।