अजय कुमार झा

जनकपुरधाम, फागुन १२ ।

 

उपप्रधानमन्त्री एवं संघीय मामला तथा स्थानीय विकासमन्त्री प्रकाशमान सिंहले विगतका उपलब्धि तथा संघीयतको रक्षाका लागि पनि संविधान सभाबाट संविधान बनाउनुको कुनै विकल्प नभएको बताउनु भएको छ ।

 

उपप्रधानमन्त्री सिंहले जिल्ला विकास समिति धनुषाको २१ औं जिल्ला परिषदको आज जनकपुरधाममा उद्घाटन गर्दै सो कुरा बताउनु भएको हो ।

 

उहाले सरकारमा रहेका दलले सकेसहमति नभए प्रक्रियामा भए पनि नेपाली जनताको भावनाको अधिकतम सम्मन हुने किसिमले लिखित संविधान संविधान सभावाट यस पटक जसरी भए पनि जारी गरि छाड्ने पनि बताउनु भयो ।

 

उहाले नेपाल सरकार विस्तृत शान्ति सम्झौताको मर्म एवं भावना अनुसार नै सत्यनिरुपण तथा मेलमिलाप आयोगको गठन गरेको बताउदै लोकतन्त्र तथा समावेशीता तथा संघीयतको सवालमा आफूहरु पूर्णरुपमा दृढ रहेको पनि बताउनु भयो ।

 

स्थानीय विकास मन्त्री समेत रहनु भएको उपप्रधानमन्त्री सिंहले स्थानीय निकायको चुनाव नभएको कारणले जनताले स्थानीय निकायबाट पाउने सेवा एवं सुविधा पाउन नसकेको बताउदै संविधान सभाको चुनावमा दलले प्रतिबद्धता गरेअनुसार छ महिनामा स्थानीय निकायको चुनाव गराउन नसक्नु ठूलो भूल भएको बताउनु भयो ।

 

उहाले स्थानीय चुनावको एमाओवादी सहितको केही दलले विरोध गरेको कारणले संविधान सभाको चुनावमा घोषणा गरेअनुसार स्थानीय निकायको चुनाव नगरेका कारणले नै जनअपेक्षा गरेअनुसारको काम स्थानीय निकायले गर्न नसकेको बताउनु भयो ।

कार्यक्रममा बोल्दै उमाओवादीका मधेश व्युरो ईन्चार्ज रामचन्द्र झाले संविधान निर्माणको सवालमा सरकाले थप लचिलो भएर सहमतिका लागि प्रतिपक्षी दललाई बार्तामा ल्याउनका ला िअधिकतम प्रयास गर्नु पर्ने धारणा पनि राख्नु भयो ।

सोही कार्यक्रममा उपप्रधानमन्त्री सिंहले जिल्ला विकासमा रहेर राम्रो काम गरेवापत खरिदार नन्दकिशोर सिंह, कार्यालय सहयोगी टिका रेग्मीलाई तथा गाउँ विकास समितिमा रहेर जनताको भावना अनुसार राम्रो काम गरेका धनुषाको लक्ष्मीनिवासका सचिव रामलखन यादव तथा तुलसीका सचिव नवराज पौडेललाई सम्मानपत्र तथा नगद प्रदान गरेर पुरस्कृत गर्नु भएको थियो ।

यसै गरि स्थानीय विकासमन्त्रीले जिल्ला विकास समितिले तयार पारेको जिल्लाको पञ्चवर्षिय रणनीतिक योजना तथा जिल्लाको आवधिक योजनाको पुस्तकको पनि लोकार्पण गर्नु भएको थियो ।

सोही कार्यक्रममा धनुषाका स्थानीय विकास अधिकारी झलकराम अधिकारीले आर्थिक वर्ष २०७२–७३ को जिल्ला विकास समितिको आन्तरिक तथा विषयगत कार्यालय, गैर सरकारी संस्थाको गरि ६ अर्व ६० करोड १ लाख ६८ हजारको अनुमानित आय व्यवको वजेट एवं नीतिक तथा कार्यक्रमहरु प्रस्तुत गर्नु भएको थियो ।

 

कार्यक्रमको उद्घाटनमा नेजाली काँग्रेसका सभासद रामकृष्ण यादव, एमालेका सभासद शितल झा, एमाओवादीका सभासद रामसिंह यादव, सदभावनाका सभासद माधवी रानी राह, नेकपा मालेका शिवचन्द्र चौधरी सहितका वक्ताहरु तथा राजनीतिक तथा संघ सस्थाका प्रतिनिधिहरुले बोल्नु भएको थियो ।