काठमाडौं १२ फागुन ।  

संवैधानिक निकायमा रिक्त पदपूर्ति गर्ने बारेमा छलफल गर्न संवैधानिक परिषद्को बैठक अहिले बसीरहेको छ ।

 

बैठकमा लोकसेवा आयोग, अख्तियार दुरुपयोग अनुसन्धान आयोग लगायतका निकायमा नियुक्तिको बिषयमा छलफल भैरहेको संसद सचिवालयका सहप्रवक्ता सुदर्शन कुईकेलले जानकारी दिनुभएको छ ।

 

रिक्त संवैधानिक निकायमा नियुक्तिको बारेमा एकीकृत माओवादी अध्यक्ष प्रचण्ड र प्रधानमन्त्री सुशील कोइरालाबीच हिजो साँझ छलफल भएको थियो ।

 

गत फागुनमा लोकसेवा आयोगका अध्यक्ष कयोदेवी यमी, सदस्य टीकादत्त निरौलाको कार्यकाल सकिएको थियो ।

 

एमाओवादीले यमीलाई नै निरन्तरता दिन प्रस्ताव गरेको छ भने काङ्ग्रेसले पूर्व गृहसचिव उमेश मैनालीलाई लोकसेवा आयोगको अध्यक्ष बनाउने प्रस्ताव गरेको स्रोतले जनाएको छ ।