काठमाडौँ,फागुन ११ 

नेकपा एमालेका अध्यक्ष केपी शर्मा ओलीले संविधानसभाको बैठक तत्काल बोलाइनुपर्ने बताउनुभएको छ । 

 

एमाले अध्यक्ष ओलीले सोमबार आफ्नो ६४ औं जन्मदिनको अवसर पारेर भक्तपुरको बालकोटस्थित निवासमा आफू निकटका नेता तथा कार्यकर्ता र शुभेच्छुकहरुको उपस्थितमा केक काट्दै संविधानसको बैठक तत्काल बोलाइनुपर्ने बताउनुभएको हो ।

 

उहाँले एकीकृत नेकपा माओवादीसँग वार्ता गर्ने नाममा दुई तिहाइ वहुमतको प्रक्रिया रोक्न नहुने बताउनुभयो । उहाँले संविधानसभाको बैठक तत्काल बोलाएर संविधान निर्माणको काम अगाडि बढाइनुपर्ने बताउनुभयो ।

 

ओलीलाई जन्मदिनको अवसरमा केक खुवाउन तथा शुभकामना दिन उपप्रधानमन्त्री तथा गृहमन्त्री वामदेव गौतम, कृषिविकास मन्त्री हरिप्रसाद पराजुली, एमालेका स्थायी समिति सदस्य मुकुन्द न्यौपाने लगायतका एमालेका नेता तथा कार्यकर्ताहरु ओली निवास पुगेका थिए ।